A competición desenvólvese esta fin de semana nunha explanada anexa á N-640
Caldas, 24 de febrero
Caldas acolle esta fin de semana a primeira proba puntuable para o Campeonato Galego de Trial 2010. A cita desenvólvese nas xornadas do sábado e do domingo na explanada ubicada nunha das beiras da estrada N-640, xusto fronte ao Hotel Sena. Un total de 20 condutores de 4×4 chegados de toda Galicia deben mostrar a súa pericia ao volante sorteando probas de alta dificultade en circuíto cerrado.
A competición, organizada polo Club Serauto Barro 4×4, iníciase o sábado ás once da mañá coas pertinentes verificacións técnicas. O inicio da proba está previsto para as 15.30 e prolóngase ata as 20 horas cunha parada para comer.
Dado que a puntuación final se obtén coa participación nas dúas xornadas, os condutores deben volver o domingo ao circuíto donde se desenvolven as probas dende as 9.30 ata as 14 horas. A entrega de premios aos gañadores e participantes está prevista para as 15 horas.
Os concellos de Caldas de Reis e Barro colaboran nun evento que pretende achegar ata a vila das Burgas a centos de persoas afeccionadas ao mundo do motor e da aventura de risco. A proba conta coa colaboración da delegación territorial da Consellería de Presidencia, coa da Federación Galega de Automobilismo e a Fundación do Deporte Galego.